Sealm 126 - Anglo-Saxon Psalms c.890-950 AD

Sealm 125

¹ Þonne Drihten wyle ­ ­ ­ ­ ­gedon æfter, þæt he of Sione ­ ­ ­ ­ ­swære ahweorfe hæftned hefige, ­ ­ ­ ­ ­syððan we hraðe weorðað afrefrede ­ ­ ­ ­ ­fægere ealle.

² Sona beoð gefylde ­ ­ ­ ­ ­mid gefean syþþan muðas ure, ­ ­ ­ ­ ­and we ma sprecað, beoð ure tungan ­ ­ ­ ­ ­teala wynsume.

³ Þonne hi geond þeode ­ ­ ­ ­ ­cweðað þriste; æghwær hi gemiclade ­ ­ ­ ­ ­mihtig Drihten, þa he him wundur mid ­ ­ ­ ­ ­worhte seldlic; gemicla ðe swylce, ­ ­ ­ ­ ­mihtig Drihten, þæt þu wundur mid us ­ ­ ­ ­ ­wyrce mære and we bealde on þam ­ ­ ­ ­ ­bliðe weorðan.

⁴ Gehweorf ure hæftned, ­ ­ ­ ­ ­halig Drihten, swa suðhealde ­ ­ ­ ­ ­swiþe hlimman.

⁵ Þa her on tornlicum ­ ­ ­ ­ ­tearum sawað, hi eft fægerum ­ ­ ­ ­ ­gefean sniðað;

⁶ gangende and ferende ­ ­ ­ ­ ­georne wepað and heora sylfra sæd ­ ­ ­ ­ ­sniðað æfter. Cumað þonne mid cumendum ­ ­ ­ ­ ­cuðe mid blisse and on heora sceafas berað, ­ ­ ­ ­ ­swa hi gesamnedon.