Sealm 124 - Anglo-Saxon Psalms c.890-950 AD

Sealm 123

¹ Nymþe us on wese ­ ­ ­ ­ ­ece Drihten, cweþað Israhelas ­ ­ ­ ­ ­ealle nu ða,

² nymþe us eardige on ­ ­ ­ ­ ­awa Drihten, Þonne us manfulle ­ ­ ­ ­ ­menn onginnað;

³ wen is, þæt hi us lifigende ­ ­ ­ ­ ­lungre wyllen sniome forsweolgan, ­ ­ ­ ­ ­gif hi swa magon. Þonne us ðara manna ­ ­ ­ ­ ­mod yrsade, and us wiðerwearde ­ ­ ­ ­ ­wæron geneahhe;

⁴ wen is, þæt hi us woldan ­ ­ ­ ­ ­wætre gelice sona gesupan, ­ ­ ­ ­ ­gif hit swa wolde.

⁵ Oft ure sawl ­ ­ ­ ­ ­swyþe frecne hlimman gedegde ­ ­ ­ ­ ­hludes wæteres; wene ic for þon, ­ ­ ­ ­ ­þæt heo wel mæge þæt swyðre mægen, ­ ­ ­ ­ ­sawel usser, wæteres wenan ­ ­ ­ ­ ­ðæs wel gedegean.

⁶ Drihten si gebletsad, ­ ­ ­ ­ ­þe þæt ne dyde æfre, þæt us on hearde ­ ­ ­ ­ ­hæftnyd sealde þam þe us mid toðum ­ ­ ­ ­ ­toteon woldan.

⁷ Wærun ure sawla ­ ­ ­ ­ ­samod anlice niþa generede, ­ ­ ­ ­ ­swa swa neodspearuwa of grames huntan ­ ­ ­ ­ ­gryne losige. Grin bið on sadan ­ ­ ­ ­ ­grame torænded, and we synd alysde ­ ­ ­ ­ ­lifes wyrðe;

⁸ we us naman Drihtnes ­ ­ ­ ­ ­neode habbað on fultume ­ ­ ­ ­ ­fæstne and strangne, þæs þe heofon worhte, ­ ­ ­ ­ ­hrusan swylce.