Sealm 121 - Anglo-Saxon Psalms c.890-950 AD

Sealm 120

¹ Hof ic mine eagan ­ ­ ­ ­ ­to þam hean beorge, þær ic fultum fand ­ ­ ­ ­ ­fælne æt þearfe.

² Is min fultum eac ­ ­ ­ ­ ­fæger æt Drihtne, se ðe heofon worhte, ­ ­ ­ ­ ­hrusan swylce.

³ Ne sylle he þinne fot ­ ­ ­ ­ ­on feondes geweald, ne hycge to slæpe ­ ­ ­ ­ ­se ðe healdeð þe.

⁴ Efne se on hygde ­ ­ ­ ­ ­huru ne slæpeð ne swefeð swyðe, ­ ­ ­ ­ ­se þe sceal healdan nu Israela folc ­ ­ ­ ­ ­utan wið feondum.

⁵ Gehealde þe ­ ­ ­ ­ ­halig Drihten, and þin mundbora ­ ­ ­ ­ ­mihtig weorðe ofer þa swiðran hand ­ ­ ­ ­ ­symble æt þearfe.

⁶ Ne þe sunne on dæge ­ ­ ­ ­ ­sol ne gebærne ne þe mona on niht ­ ­ ­ ­ ­minne geweorðe,

⁷ ac þe gehealde ­ ­ ­ ­ ­halig Drihten wyð yfela gehwam ­ ­ ­ ­ ­æghwær georne and ðine sawle ­ ­ ­ ­ ­swylce gehealde.

⁸ Utgang þinne and ingang ­ ­ ­ ­ ­ece Drihten, sawla soðcynincg, ­ ­ ­ ­ ­symble gehealde of þisson forð ­ ­ ­ ­ ­awa to worulde.