Sealm 113 - Anglo-Saxon Psalms c.890-950 AD

Sealm 112

¹ Herigean nu cnihtas ­ ­ ­ ­ ­hælynd Drihten, and naman Dryhtnes ­ ­ ­ ­ ­neode herigan.

² Wese nama Dryhtnes ­ ­ ­ ­ ­neode gebletsad of ðyssan forð ­ ­ ­ ­ ­awa to worulde.

³ Fram upgange ­ ­ ­ ­ ­æryst sunnan oðþæt heo wende ­ ­ ­ ­ ­on westrodur ge sculon Dryhtnes naman ­ ­ ­ ­ ­dædum herigean.

⁴ He is ofer ealle ­ ­ ­ ­ ­ingeþeode se heahsta ­ ­ ­ ­ ­hæleða cynnes, is ofer heofenas eac ­ ­ ­ ­ ­ahafen his wuldur.

⁵ Hwylc ys anlic ­ ­ ­ ­ ­urum Dryhtne, þam halgan gode, ­ ­ ­ ­ ­þe on heofonrice eadig eardað, ­ ­ ­ ­ ­

⁶ ofer ealle gesyhð, þa eadmedu ­ ­ ­ ­ ­æghwær begangæð on eorðwege, ­ ­ ­ ­ ­up on heofenum?

⁷ He of eorðan mæg ­ ­ ­ ­ ­þone unagan weccan to willan, ­ ­ ­ ­ ­and of woruftorde þone þearfendan ­ ­ ­ ­ ­þriste areccan.

⁸ And hine on ealdordom ­ ­ ­ ­ ­upp asettan his folces fruman ­ ­ ­ ­ ­on fæger lif.

⁹ Se þe eard seteð ­ ­ ­ ­ ­unwæstmbærre on modor hus ­ ­ ­ ­ ­manigra bearna; hio ofer hire suna ­ ­ ­ ­ ­symblað and blissað.