Sealm 101 - Anglo-Saxon Psalms c.890-950 AD

Sealm 100

¹ Mildheortnesse and dom ­ ­ ­ ­ ­mihtigan Drihtnes singe and secge, ­ ­ ­ ­ ­

² and soð ongyte on unwemmum wege, ­ ­ ­ ­ ­hwænne þu me wylle to. Ic mid unbealuwe ­ ­ ­ ­ ­ealre heortan þurh ðin hus middan ­ ­ ­ ­ ­halig eode.

³ Ne sette ic me fore eagum ­ ­ ­ ­ ­yfele wisan; ealle ic feode ­ ­ ­ ­ ­facnes wyrcend,

⁴ næs me wyngesið ­ ­ ­ ­ ­wiðerweard heorte. Ic awyrgde fram me ­ ­ ­ ­ ­wende and cyrde; nolde ic hiora andgit ­ ­ ­ ­ ­ænig habban,

⁵ þe tælnessa ­ ­ ­ ­ ­teonan geneahhige wið heora þam nehstan ­ ­ ­ ­ ­nið ahofan; þara ic ehte ­ ­ ­ ­ ­ealra mid niðe. Oferhydegum eagum, ­ ­ ­ ­ ­unsædre heortan, nolde ic mid þæm men ­ ­ ­ ­ ­minne mete ðicgean.

⁶ Ofer geleaffulle ­ ­ ­ ­ ­eorðbugende eagan mine ­ ­ ­ ­ ­georne sceawedun, hwær ic tirfæste ­ ­ ­ ­ ­treowe funde, þa me symble mid ­ ­ ­ ­ ­sæton and eodon; he me holdlice ­ ­ ­ ­ ­her ðegnade.

⁷ Ne eardað on midle ­ ­ ­ ­ ­mines huses, þe oferhygd ­ ­ ­ ­ ­up ahebbe oþþe unriht cweþan ­ ­ ­ ­ ­elne wille.

⁸ Ic on morgenne ofslea ­ ­ ­ ­ ­mānes wyrhtan ealle þe unriht ­ ­ ­ ­ ­elne worhtan and fyrena fela ­ ­ ­ ­ ­gefremed habbað; ealle ic þa of Drihtnes ­ ­ ­ ­ ­drife ceastre.