Nnwom 63 - Asante Twi Nkwa Asɛm

Dwom 63

Dawid dwom. Ɛberɛ a ɔwɔ Yuda Ɛserɛ so no na ɔtoeɛ.

¹ Ao, Onyankopɔn, wone me Onyankopɔn Mehwehwɛ wo anibereɛ so; wo ho sukɔm de me kra, me onipadua ani agyina wo, wɔ asase a awo na ɛserɛ nni so, baabi a nsuo nnie.

² Mahunu wo wɔ Kronkronbea hɔ mahunu wo tumi ne wʼanimuonyam.

³ Esiane sɛ, wʼadɔeɛ di mu sene nkwa enti mʼano fafa bɛhyɛ wo animuonyam.

⁴ Sɛ mete ase yi, mɛkamfo wo, na wo din mu na mɛpagya me nsa.

⁵ Me ɔkra bɛmee sɛdeɛ wadi aduane papa bi; mede anofafa a ɛto dwom bɛyi wo ayɛ.

⁶ Meda me mpa so a, mekae wo. Anadwo dasuo mu nyinaa, medwene wo ho.

⁷ Ɛfiri sɛ, wone ne ɔboafoɔ, wo ntaban ase nwunu mu na mɛto dwom.

⁸ Me kra bata wo ho; na wo nsa nifa kura me mu.

⁹ Wɔn a wɔpɛ me akum me no bɛsɛe; wɔbɛkɔ asase ase tɔnn.

¹⁰ Wɔbɛdane wɔn ama akofena na wɔbɛyɛ aduane ama sakraman.

¹¹ Nanso ɔhene bɛdi ahurisie wɔ Onyankopɔn mu; wɔn a wɔka ntam wɔ Onyankopɔn din mu nyinaa bɛkamfo no, na wɔbɛmua atorofoɔ ano. Wɔde ma dwomkyerɛfoɔ.