Nnwom 3 - Asante Twi Nkwa Asɛm

Dwom 3

Dawid dwom a ɔtoeɛ ɛberɛ a ɔredwane afiri ne babarima Absalom anim.

¹ Ao Awurade, hwɛ sɛdeɛ mʼatamfoɔ dɔɔso fa! Dodoɔ no ara na wɔsɔre tia me!

² Bebree no ara ka fa me ho sɛ, “Onyankopɔn rennye no”.

³ Nanso, Ao Awurade, woyɛ akokyɛm a atwa me ho ahyia wohyɛ me animuonyam na wopagya me ti.

⁴ Meteam su frɛ Awurade, na ɔgye me so firi ne bepɔ kronkron no so.

⁵ Metɔ hɔ na meda a, menyane bio, ɛfiri sɛ Awurade kora me so.

⁶ Merensuro atamfoɔ mpem mpem a wɔatwa me ho ahyia no.

⁷ Sɔre, Ao Awurade! Gye me, Ao me Onyankopɔn! Bobɔ mʼatamfoɔ nyinaa apantan; na tutu amumuyɛfoɔ se.

⁸ Awurade hɔ na ɔgyeɛ firi ba. Ma wo nhyira mmra wo nkurɔfoɔ so. Wɔde ma dwomkyerɛfoɔ. Wɔto wɔ sankuhoma so.