Nnwom 29 - Asante Twi Nkwa Asɛm

Dwom 29

Dawid dwom.

¹ Momfa mma Awurade no, Ao ɔsoro abɔdeɛ, momfa animuonyam ne tumi mma Awurade.

² Momfa animuonyam a ɛfata Awurade din mma no; monsɔre Awurade wɔ nʼanimuonyam kronkron mu.

³ Awurade nne wɔ nsuo no so; animuonyam Onyankopɔn bobom, Awurade bobom wɔ nsuo akɛseɛ so.

⁴ Awurade nne mu wɔ tumi; Awurade nne mu wɔ animuonyam.

⁵ Awurade nne bubu ntweneduro; Awurade nne bubu Lebanon ntweneduro mu nketenkete.

⁶ Ɔma Lebanon hurihuri te sɛ nantwie ba, na Sirion nso sɛ ɛkoɔ ba.

⁷ Awurade nne pa ma anyinam ogya dɛre

⁸ Awurade nne woso ɛserɛ so; Awurade woso Kades serɛ.

⁹ Awurade nne kyinkyim adum na ɛma kwaeɛ yɛ kwaterekwa. Nʼasɔredan mufoɔ nyinaa team ka sɛ, “Animuonyam nka Onyankopɔn!”

¹⁰ Awurade di ɔhene wɔ nsuyire so; wɔasi Awurade ɔhene afebɔɔ.

¹¹ Awurade ma ne nkurɔfoɔ ahoɔden, na ɔde asomdwoeɛ hyira wɔn.