Nnwom 130 - Asante Twi Nkwa Asɛm

Dwom 130

Ɔsorokorɔ dwom.

¹ Ao Awurade, mefiri ebunu mu resu frɛ wo;

² Ao Awurade tie me nne. Wɛn wʼaso ma me nkotosrɛ.

³ Ao Awurade, sɛ wobu yɛn bɔne ho nkonta a, anka hwan na ɔbɛtumi agyina ano?

⁴ Nanso, wowɔ bɔnefakyɛ; ɛno enti wɔsuro wo.

⁵ Metwɛn Awurade, me kra twɛn, na nʼasɛm mu na mede mʼanidasoɔ ahyɛ.

⁶ Me kra twɛne Awurade sene sɛdeɛ awɛmfoɔ twɛne adekyeɛ, sene sɛdeɛ awɛmfoɔ twene adekyeɛ.

⁷ Ao Israel, ma wʼani nna Awurade so, ɛfiri sɛ Awurade wɔ adɔeɛ a ɛwɔ hɔ daa na ɔgyeɛ amapa wɔ ne mu.

⁸ Ɔno ankasa bɛgye Israel afiri wɔn bɔne nyinaa mu.