Nnwom 124 - Asante Twi Nkwa Asɛm

Dwom 124

Ɔsoroforɔ dwom. Dawid deɛ.

¹ Sɛ anka Awurade nni yɛn afa a, ma Israel nka.

² Sɛ anka Awurade nni yɛn afa ɛberɛ a nnipa to hyɛɛ yɛn so,

³ ɛberɛ a wɔn abufuo sɔree tiaa yɛn a, anka wɔmenee yɛn anikann;

⁴ anka nsuyire no bu faa yɛn so, anka ɔhweam no twee yɛn kɔeɛ,

⁵ anka nsuo a ano yɛ den no afa yɛn kɔ.

⁶ Nkamfoɔ nka Awurade a wɔamma ho kwan amma wɔamfa wɔn se antete yɛn mu.

⁷ Yɛadwane sɛ anomaa afiri afirisumfoɔ afidie mu; afidie no mu abubu, ama yɛanya ɛkwan adwane.

⁸ Yɛn mmoa wɔ Awurade din mu, ɔsoro ne asase Yɛfoɔ no.