Nnwom 122 - Asante Twi Nkwa Asɛm

Dwom 122

Ɔsoroforɔ dwom. Dawid deɛ.

¹ Ɛberɛ a wɔsee me sɛ, “Ma yɛnkɔ Awurade fie” no, mʼani gyeeɛ.

² Yɛgyinagyina wʼapono ano, Ao Yerusalem.

³ Wɔakyekyere Yerusalem yie sɛ kuropɔn. Wɔahyehyɛ mu nneɛma fɛfɛ.

⁴ Ɛhɔ na mmusuakuo no korɔ, Awurade mmusuakuo no. Wɔkɔkamfo Awurade din sɛdeɛ nhyehyɛeɛ a wɔde ama Israel no teɛ.

⁵ Ɛhɔ na atemmuo nhennwa no sisi, Dawid fie nhennwa no.

⁶ Monsrɛ asomdwoeɛ mma Yerusalem sɛ, “Ma wɔn a wɔdɔ wo no nnya banbɔ.

⁷ Ma asomdwoeɛ mmra wʼafasuo mu na banbɔ mmra wʼabankɛsewa mu.”

⁸ Me nuanom ne me nnamfonom enti, meka sɛ, “Asomdwoeɛ ntena wo mu.”

⁹ Awurade yɛn Onyankopɔn fie enti, mɛhwehwɛ wo nkɔsoɔ.