Nnwom 120 - Asante Twi Nkwa Asɛm

Dwom 120

Ɔsoroforɔ dwom.

¹ Mesu frɛ Awurade wɔ mʼahohiahia mu, na ɔgye me so.

² Ao Awurade, gye me firi atorɔ ano ne nnaadaa tɛkrɛma nsam.

³ Ɛdeɛn na ɔbɛyɛ wo, na ɛdeɛn na ɛka ho bio, Ao nnaadaa tɛkrɛma?

⁴ Ɔde asraafoɔ bɛmma a ano yɛ nnam ne gyasramma bɛtwe wʼaso.

⁵ Nnome nka me sɛ mabɛsoɛ Mesek, na mete Kedar ntomadan mu!

⁶ Matena ase akyɛre dodo wɔ wɔn a wɔkyiri asomdwoeɛ mu.

⁷ Meyɛ asomdwoeɛ onipa; nanso sɛ mekasa a, ɛyɛ ɔko ma wɔn.