Nnwom 113 - Asante Twi Nkwa Asɛm

Dwom 113

¹ Monkamfo Awurade. Ao, mo Awurade asomfoɔ, monkamfo no, monkamfo Awurade din.

² Momma wɔnkamfo Awurade din, seesei ne daa nyinaa.

³ Ɛfiri baabi a owia pue kɔsi faako a ɔkɔtɔ, ma wɔnkamfo Awurade din.

⁴ Wɔama Awurade so aman nyinaa so, nʼanimuonyam tra ɔsorosoro.

⁵ Hwan na ɔte sɛ Awurade yɛn Onyankopɔn, Ɔbaako no a ɔdi ɔhene wɔ ɔsorosoro,

⁶ ɔno na ɔbɔ ne mu ase hwɛ ɔsorosoro ne asase.

⁷ Ɔma ahiafoɔ so firi mfuturo mu na ɔpagya onnibie firi nso sie so;

⁸ ɔde wɔn tena mmapɔmma mu, wɔn nkurɔfoɔ mmapɔmma mu.

⁹ Ɔbɔ obonini atenaseɛ wɔ ne fie sɛ ɔbaatan a nʼani gyeɛ. Monkamfo Awurade.