Nehemia 7 - Asante Twi Nkwa Asɛm

¹ Wɔwiee ɔfasuo no, na mesisii apono no wieeɛ no akyi, wɔyiyii apono no anohwɛfoɔ, nnwomtofoɔ ne Lewifoɔ.

² Meyii me nuabarima Hanani sɛ ɔne Hanania nni Yerusalem so. Na Hanania yɛ ɔsahene a ɔhwɛ aban no so, na ɔyɛ ɔnokwafoɔ a ɔsuro Onyame sene afoforɔ bebree.

³ Meka kyerɛɛ wɔn sɛ, “Adekyeeɛ mu, sɛ ahuhuro ba a, mommma apono no ano nna hɔ. Na sɛ aponoanohwɛfoɔ wɔ adwuma mu koraa a, montoto mu, na mommram no. Monyi wɔn a wɔtete Yerusalem no bi, na wɔnnwɛn a obiara ba ne ɛberɛ a wɔahyɛ ama no no pɛpɛɛpɛ. Ebi bɛwɛn wɔ awɛneeɛ hɔ, na ebi nso awɛn wɔ wɔn ankasa afie anim.”

Nehemia Twerɛ Nnipa No Edin

⁴ Saa ɛberɛ no na kuropɔn no so, na emu da hɔ, nanso na nnipa no nnɔɔso. Afie kakra bi na na ɛsisi kuropɔn no mu.

⁵ Na me Onyankopɔn maa me adwene sɛ memfrɛ kuropɔn no mu ntuanofoɔ ne ɔmanfoɔ no nyinaa nhyia, na wɔntwerɛ wɔn din. Na mahunu nnipa a wɔdii ɛkan sane baa Yuda no abusuadua nwoma. Nsɛm a na wɔatwerɛ agu mu nie:

⁶ Yeinom ne Yudafoɔ a wɔtwaa wɔn asuo kɔɔ amantam bi so, na wɔfirii nnommumfa mu sane baa Yerusalem ne Yuda nkuro afoforɔ so. Ɔhene Nebukadnessar na ɔtwaa wɔn asuo kɔɔ Babilonia.

⁷ Wɔn ntuanofoɔ yɛ Serubabel, Yesua, Nehemia, Asaria, Raamia, Nahamani, Mordekai, Bilsan, Misperet, Bigwai, Nehum ne Baana. Israelfoɔ dodoɔ a wɔfiri asutwa mu baeɛ no nie:

⁸ Abusuafoɔ dodoɔ nie: Paros 2,172

⁹ Sefatia 372

¹⁰ Arah 652

¹¹ Pahat-Moab (Yesua ne Yoab asefoɔ) 2,818

¹² Elam 1,254

¹³ Satu 845

¹⁴ Sakai 760

¹⁵ Bani 648

¹⁶ Bebai 628

¹⁷ Asgad 2,322

¹⁸ Adonikam 667

¹⁹ Bigwai 2,067

²⁰ Adin 655

²¹ Ater (Hesekia asefoɔ) 98

²² Hasum 328

²³ Besai 324

²⁴ Harif 112

²⁵ Gibar 95

²⁶ Mmarima a wɔfiri Betlehem ne Netofa 188

²⁷ Anatot 128

²⁸ Bet-Asmawet 42

²⁹ Kiriat-Yearim, Kefira ne Beerot 743

³⁰ Rama ne Geba 621

³¹ Mikmas 122

³² Bet-El ne Ai 123

³³ Nebo 52

³⁴ Elam 1,254

³⁵ Harim 320

³⁶ Yeriko 345

³⁷ Lod, Hadid ne Ono 721

³⁸ Senaa 3,930

³⁹ Yeinom ne asɔfoɔ a wɔfiri asutwa mu baeɛ: Yedaia (Yesua fie mufoɔ) asefoɔ 973

⁴⁰ Imer asefoɔ 1,052

⁴¹ Pashur asefoɔ 1,247

⁴² Harim asefoɔ 1,017

⁴³ Yeinom ne Lewifoɔ a wɔfiri asutwa mu baeɛ: Yesua (Kadmiel ne Hodewa fiefoɔ) asefoɔ 74

⁴⁴ Nnwontofoɔ: Asaf asefoɔ 148

⁴⁵ Asɔredan Aponoanohwɛfoɔ: Salum, Ater, Talmon asefoɔ, Akub, Hatita ne Sobai asefoɔ 138

⁴⁶ Asɔredan mu asomfoɔ: Siha, Hasufa, Tabaot asefoɔ,

⁴⁷ Keros, Siaha, Padon asefoɔ,

⁴⁸ Lebana, Hagaba, Salmai asefoɔ,

⁴⁹ Hanan, Gidel, Gahar asefoɔ,

⁵⁰ Reaia, Resin, Nekoda asefoɔ,

⁵¹ Gasam, Usa, Paseah asefoɔ,

⁵² Besai, Meunim, Nefusim asefoɔ,

⁵³ Bakbuk, Hakufa, Harhur asefoɔ,

⁵⁴ Baslut, Mehida, Harsa asefoɔ,

⁵⁵ Barkos, Sisera, Tema asefoɔ,

⁵⁶ Nesia ne Hatifa asefoɔ

⁵⁷ Ɔhene Salomo asefoɔ asomfoɔ a wɔfiri asutwa mu baeɛ no nie: Sotai, Soferet, Perida asefoɔ,

⁵⁸ Yaala, Darkon, Gidel asefoɔ,

⁵⁹ Sefatia, Hatil, Pokeret-Hasebaim ne Ami asefoɔ,

⁶⁰ Asɔredan mu asomfoɔ ne Salomo asomfoɔ asefoɔ no nyinaa na wɔn dodoɔ yɛ 392

⁶¹ Ekuo foforɔ bi a saa ɛberɛ yi wɔfiri Tel-Melah, Tel-Harsa, Kerub, Adon ne Imer sane baa Yerusalem, nanso, wɔantumi ankyerɛ mu yie sɛ, wɔn anaa wɔn abusuafoɔ no ase firi Israel:

⁶² Delaia, Tobia ne Nekoda asefoɔ no ka saa kuo yi ho, na wɔn dodoɔ yɛ 642

⁶³ Asɔfoɔ baasa a wɔn din de Habaia, Hakos ne Barsilai asefoɔ nso baa Yerusalem. (Na saa Barsilai yi aware Barsilai a ɔfiri Gilead mmammaa no baako ama wafa ɔbaa no abusua din.)

⁶⁴ Nanso, na wɔayera wɔn abusuadua nwoma no enti wɔamma wɔn ho ɛkwan amma wɔansom sɛ asɔfoɔ.

⁶⁵ Na amrado no mma ɛkwan mma wɔnnni afɔrebɔ nnuane mu kyɛfa mpo, gye sɛ ɔsɔfoɔ bi de ntonto kronkron bɔ a wɔfrɛ no Urim ne Tumim akyerɛ wɔn gyinabea wɔ saa asɛm yi ho.

⁶⁶ Enti nnipa a wɔsane baa Yuda no nyinaa dodoɔ yɛ (42,360),

⁶⁷ a ɛno akyi, asomfoɔ (7,337) a wɔyɛ mmaa ne mmarima a ɛmu (245) yɛ nnwomtofoɔ.

⁶⁸ Wɔde apɔnkɔ ahanson ne aduasa nsia (736) mfunumpɔnkɔ ahanu ne aduanan enum (245).

⁶⁹ Nyoma ahanan ne aduasa enum (435) ne mfunumu mpem nsia ahanson ne aduonu (6,720).

⁷⁰ Abusua no bi ntuanofoɔ maa dwumadie no ho akyɛdeɛ. Amrado no too sikakorabea no mu sikakɔkɔɔ pranpran apem (1,000), sikakɔkɔɔ atam aduonum (50) ne asɔfotadeɛ ahanum ne aduasa (530).

⁷¹ Ntuanofoɔ no bi ka bɔɔ mu, too sikakorabea no mu sikakɔkɔɔ pranpran ɔpeduonu (20,000), na ebinom nso maa dwetɛ nsania kilogram mpem mmienu ahanu ne aduonu (2,220) de boaa adwuma no.

⁷² Nnipa a wɔaka no nso maa sikakɔkɔɔ pranpran ɔpeduonu ne dwetɛ bɛyɛ kilogram mpem ne ahanu ne asɔfotadeɛ aduosia nson (67).

⁷³ Enti, asɔfoɔ, Lewifoɔ, aponoanohwɛfoɔ, nnwomtofoɔ, Asɔredan mu asomfoɔ ne nnipa no bi, ne Israelfoɔ a wɔaka nyinaa bɔɔ atenaseɛ wɔ wɔn ankasa nkuro so. Ɔbosome Tisri (bɛyɛ Ɛbɔ ne Ahinime ntam) mfimfini mu a Israelfoɔ akokɔ wɔn nkuro so no,