Salmow 98 - An Sowter 1997 2023

SALM 98. Cantate Domino.

¹ Kenewgh dhe'n Arloedh kan nowydh : rag ev re wrug marthusyon.

² Y leuv dhyghow ha'y vregh sans : re wrug budhogoleth ragdho.

³ An Arloedh re dherivas y selwyans : ev re dhiskwedhas y ewnder yn golok an kenedhlow.

⁴ Ev re borthas kov a'y dregeredh ha'y lelder orth chi Ysrael : oll pennow an norvys re welas selwyans agan Duw.

⁵ Gwra tros heudhik dhe'n Arloedh, oll an nor : kenewgh, ha germewgh gans joy, ha kenewgh gormola.

⁶ Kenewgh gormola dhe'n Arloedh gans an sowtri : gans an sowtri ha lev salm.

⁷ Gans tollgorn ha son trompa, gwrewgh tros heudhik a-rag an Myghtern, an Arloedh.

⁸ Tarennes an mor ha myns eus ynno : an norvys ha myns eus trigys ynno.

⁹ Takyes an livow diwleuv, garmes an menydhyow war-barth yn lowen a-dherag an Arloedh : rag ev a dheu dhe vreusi an norvys.

¹⁰ Ev a vreus an norvys gans gwiryonedh : ha'n poblow gans ewnder.