Salmow 93 - An Sowter 1997 2023

SALM 93. Dominus regnavit.

¹ An Arloedh yw Myghtern, ev re omwiskas yn splannder : an Arloedh re omwiskas hag yma grogys a nerth a-dro dhodho.

² An norvys devri yw fastys : ma na yllir y dhisevel.

³ Dha se a veu fastys bythkweth : ty re beu, trank heb worfenn.

⁴ An livow re dhrehevis, A Arloedh, an livow re dhrehevis aga lev : an livow a dhrehav aga thonnow.

⁵ Kreffa ages dowrow meur, kreffa ages an mordonnow : yw an Arloedh, galloesek y'n ughelder.

⁶ Dha dhustuniow, A Arloedh, yw fest sur : sansoleth a dhelledh dhe'th chi, A Arloedh, bynitha.