Salmow 87 - An Sowter 1997 2023

SALM 87. Fundamenta eius.

¹ Yma hy sel hi war an menydhyow sans : an Arloedh a gar porthow Sion moy ages oll annedhow Yakob.

² Taklow gloryus a vydh kewsys ahanas : ty sita Duw.

³ My a venek Rahab ha Babylon orth an re a'm aswonn : a-dro dhe Filistia ha Tyr hag Ethiopia y leverir, ‘Hemma a veu genys ena.’

⁴ Hag a-dro dhe Sion y fydh leverys, ‘Hemma ha henna veu genys ynni’ : ha'n Ughella y honan a wra hy fastya.

⁵ An Arloedh pan skrif ev kovadh an poblow : a venek, ‘Hemma genys ena.’

⁶ An ganoryon ha'n dhonsyoryon war-barth a lever : ‘Yma oll ow fentynyow ynnos jy.’