Salmow 82 - An Sowter 1997 2023

SALM 82. Deus stetit.

¹ Duw a sev yn kuntelles nev : ev a vreus yn mysk an duwow.

² Pygemmys prys y freusowgh yn kamm : ow plegya dhe'n debeles?

³ Rewgh gwirvreus dhe'n den gwann ha dhe'n omdhivas : mentenewgh gwiryow an boghosek ha'n edhommek.

⁴ Difresewgh an den gwann ha'n boghosek : gwra aga delivra dhiworth leuv an debeles.

⁵ Ny wodhons ha ny gonvedhons, mes i a gerdh yn-rag yn tewolgow : oll selyow an nor a gren.

⁶ My a leveris, ‘Hwi yw duwow : ha hwi oll yw fleghes an Ughella.

⁷ Byttegyns hwi a verow avel mab-den : ha koedha avel onan a'n bennternedh.’

⁸ Sav, A Dhuw, breus an nor : rag ty a erit an kenedhlow oll.