Salmow 67 - An Sowter 1997 2023

SALM 67. Deus misereatur.

¹ Duw re bo grassyes orthyn, ha'gan benniga : ha re wrello dh'y fas golowi warnan.

² Rag may fo dha fordh aswonnys war an nor : dha selwyans yn mysk oll an kenedhlow.

³ Re'th wormello an poblow, A Dhuw : re'th wormello oll an poblow.

⁴ Bedhes an kenedhlow heudhik ha garma yn lowen : rag ty a vreus an poblow gans ewnder, ha kevarwoedha an kenedhlow war an nor.

⁵ Re'th wormello an poblow, A Dhuw : re'th wormello oll an poblow.

⁶ An dor re ros y drevas : Duw, agan Duw re'gan bennigas.

⁷ Duw re'gan bennikko : ha perthes own anodho oll pennow an norvys.