Salmow 6 - An Sowter 1997 2023

SALM 6. Domine, ne in furore.

¹ A Arloedh, na rebuk vy y'th sorr : ha na geredh vy y'th konnar.

² Bydh grassyes orthiv, A Arloedh, rag difredh ov vy : yaghha vy, A Arloedh, rag ow eskern yw troblys.

³ Ow enev ynwedh yw pur dhyegrys : mes ty, A Arloedh, pygemmys prys?

⁴ Dehwel, A Arloedh, delirv ow enev : salw vy a-barth dha dregeredh.

⁵ Rag yn ankow nyns eus kov ahanas : piw a'th wormel yn ifarn?

⁶ Skwith ov vy a'm hanasa; pub nos my a lyb ow gweli : gans ow dagrow my a lyb ow gweli.

⁷ Ow lagas a fyll drefenn poenvos : ev a wannha drefenn ow eskerens oll.

⁸ Diberthewgh dhiworthiv, hwi dhrogoberoryon oll : rag an Arloedh re glewas lev ow oelva.

⁹ An Arloedh re glewas ow govynnadow : an Arloedh a dhegemmer ow fysadow.

¹⁰ Oll ow eskerens a berth meth hag a vydh euthegys : i a dreyl war-dhelergh hag a berth meth yn tromm.