Salmow 56 - An Sowter 1997 2023

SALM 56. Miserere mei, Deus.

¹ Bydh grassyes orthiv, A Dhuw, rag den a vynn ow helghya : oll an jydh ev a omladh, orth ow gwaska.

² Ow eskerens re'm plagyas oll an jydh : rag lies a omladh er ow fynn, A Dhuw Ughella.

³ Y'n jydh may porthav own : my a drest ynnos jy.

⁴ Yn Duw may hwormelav y er : yn Duw my a drest, ny borthav own; pandr'a yll kig dhe wul er ow fynn?

⁵ Oll an jydh i a gammgemmer ow geryow : yma oll aga frederow er ow fynn rag drog.

⁶ I a omguntell, i a omgel : i a verk ow hammow, pan gontrewaytyons ow enev.

⁷ Gwra aga rewardya herwydh aga sherewneth : yn sorr, towl an poblow dhe'n dor, A Dhuw.

⁸ Ty re verkyas ow gwandrans; gorr ow dagrow y'th votell : a nyns yns i skrifys y'th lyver?

⁹ Ena y treyl ow eskerens war-dhelergh y'n jydh may halwav : hemma a wonn; rag yma Duw genev.

¹⁰ Yn Duw mayy hwormelav y er : y'n Arloedh may hwormelav y er,

¹¹ Yn Duw y trestyav : ny borthav own; pandr'a yll den dhe wul er ow fynn?

¹² Yma dha ambosow warnav, A Dhuw : my a's tal dhis gans offrynnow grasyans.

¹³ Rag ty re dhelivras ow enev dhiworth ankow, ha'm treys dhiworth trebuchya : rag may kerthiv a-rag Duw, yn golow an re vew.