Salmow 53 - An Sowter 1997 2023

SALM 53. Dixit insipiens.

¹ An den anfur re leveris yn y golonn : ‘Nyns eus Duw.’

² Legrys yns, hag i re wrug sherewneth kasadow : nyns eus denvyth a wrello dader.

³ Duw a viras war-woeles dhiworth nev war vebyon den : dhe weles mars esa denvyth fur, ow hwilas Duw.

⁴ Pubonan anedha re gildennas, legrys yns i oll war-barth : nyns eus denvyth a wrello dader, nyns eus nagonan.

⁵ A ny gonvedh an dhrogoberoryon : ow tybri ow fobel kepar dell dhebrons bara? Ny alwsons war Dhuw.

⁶ Ena yth esens i yn own bras yn tyller ma nag esa own : rag Duw re skattras eskern an den a gampyas a-dro dhis; ty re wrug mewl dhedha, rag Duw dh'aga dispresya.

⁷ A teffa selwyans Ysrael yn-mes a Sion! Pan dreyl Duw kethneth y bobel ev : Yakob a vydh lowen, ha heudhik vydh Ysrael.