Salmow 52 - An Sowter 1997 2023

SALM 52. Quid gloriaris?

¹ Prag y fostydh yn drogober, ty vreselyas : tregeredh Duw a dhur oll an jydh.

² Dha daves a breder terroes : yth yw avel altenn lymm, ow kul falsuri.

³ Ty a gar drog moy ages da : ha gowleverel moy ages kewsel gwiryonedh.

⁴ Ty a gar oll geryow fell : ty fals taves.

⁵ Duw ynwedh a'th tistru bynitha : ev a'th kemmer dhe-ves, ha'th tenna yn-mes a'th tylda, ha kemmeres dha wreydhenn mes a dir an re vew.

⁶ An re wiryon a wel, ha perthi own : ha hwerthyn orto;

⁷ Ottomma an gour na wrug Duw y skovva : mes ev a drestyas yn y rychys meur, ha hwilas skovva yn y sherewneth.

⁸ Mes my yw avel olewbrenn glas yn chi Duw : my a drest yn tregeredh Duw bys vykken ha bynnari.

⁹ My a'th wormel bynitha, rag ty dhe wul hemma : ha fydhya a wrav y'th Hanow, rag da yw, a-wel dhe'th syns.