Salmow 43 - An Sowter 1997 2023

SALM 43. Judica me, Deus.

¹ Breus vy, A Dhuw, ha pled ow hen erbynn kenedhel ansans : gwra ow delivra dhiworth an falswas ha'n sherewa.

² Rag ty yw Duw ow skovva, prag re'm skonsys : prag yth av vy ow kyni drefenn arwask an eskar?

³ Dannvon dha wolow ha'th wirder rag ma'm hembronkons : ha'm doen dhe'th venydh sans ha dhe'th tabernaklys.

⁴ Ena yth av vy dhe alter Duw, dhe Dhuw joy ow lowender : ha war an sowtri my a'th wormel, A Dhuw, ow Duw.

⁵ Prag yth osta mar dhigolonnek, ow enev : ha prag yth hanesydh a-berth ynnov?

⁶ Trest yn Duw : rag my a'n gormel prest, selwyans ow fas, ha'm Duw.