Salmow 3 - An Sowter 1997 2023

SALM 3. Domine, quid multiplicati?

¹ A Arloedh, fatell yw ow eskerens ynkressys : lies yns i neb a sev er ow fynn.

² Lies yns i neb a lever a'm enev : ‘Nyns eus gweres ragdho yn Duw.’

³ Mes ty, A Arloedh, yw skoes a-dro dhymm : ow glori, neb a dhrehav ow fenn.

⁴ My a elwis war an Arloedh gans ow lev : hag ev a worthybis dhymm mes a'y venydh sans.

⁵ My a wrowedhas ha koska : ha my a dhifunas, rag an Arloedh a'm skoedh.

⁶ Ny borthav own a dhegow a vilyow a'n bobel : neb re omsettyas a-derdro er ow fynn.

⁷ Sav, A Arloedh; salw vy, ow Duw : rag ty re weskis oll ow eskerens war an challa : ty re dorras dyns an debeles.

⁸ Dhe'n Arloedh yma selwyans : yma dha vennath war dha bobel.