Salmow 29 - An Sowter 1997 2023

SALM 29. Afferte Domino.

¹ Rewgh dhe'n Arloedh, hwi vebyon Duw : rewgh dhe'n Arloedh gordhyans ha nerth.

² Rewgh dhe'n Arloedh an gordhyans a dhegoedh dh'y Hanow : gordhyewgh an Arloedh yn tekter sansoleth.

³ Yma lev an Arloedh war an dowrow : an Duw a wolewder a wra taran; yma an Arloedh war an dowrow meur.

⁴ Lev an Arloedh yw galloesek : lev an Arloedh yw leun a splannder.

⁵ Lev an Arloedh a derr an kederwydh : ha'n Arloedh a derr kederwydh Lebanon.

⁶ Hag ev a wra dhedha terlemmel avel leugh : Lebanon ha Siryon avel ojyon gwyls yowynk.

⁷ Lev an Arloedh a rann flammow tan; lev an Arloedh a wra dhe'n difeyth krena : an Arloedh a wra dhe dhifeyth Kadesh krena.

⁸ Lev an Arloedh a wra dhe'n derow krena hag a lommha an koesow : hag yn y dempel pubonan a gews a'y wolewder.

⁹ An Arloedh a esedh yn y se war an liv : ha'n Arloedh a esedh avel Myghtern bys vykken.

¹⁰ An Arloedh a re nerth dh'y bobel : an Arloedh a vennik y bobel gans kres.