Salmow 20 - An Sowter 1997 2023

SALM 20. Exaudiat te Dominus.

¹ An Arloedh re worthyppo dhis yn dydh anken : Hanow Duw Yakob re'th wittho.

² Re dhannvonno ev gweres dhis dhiworth an sentri : ha'th krevhe jy dhiworth Sion.

³ Re bortho kov a'th offrynnow oll : ha degemmeres dha offrynnow leskys.

⁴ Re wronttyo dhis hwans dha golonn : ha kowlwul oll dha gusul.

⁵ Kriyn yn lowen y'th selwyans, hag yn Hanow an Arloedh agan Duw ni a dhrehav agan baneryow : re gowlwrello an Arloedh oll dha wovynnadow.

⁶ Lemmyn my a woer an Arloedh dhe selwel y Untys; ev a worthyp dhodho dhiworth nevow y sansoleth : y'n nerth a selwyans y leuv dhyghow.

⁷ Re a drest yn charettow ha re yn mergh : mes ni a berth kov a Hanow an Arloedh agan Duw.

⁸ Plegys yns i dhe'n dor, ha koedhys : mes ni a omdhrehav, ha sevel a'gan sav.

⁹ A Arloedh, salw an Myghtern : ha gorthyp dhyn y'n jydh may helwyn.