Salmow 15 - An Sowter 1997 2023

SALM 15. Domine, quis habitabit?

¹ Arloedh, piw a yll godriga y'th tylda : piw a yll triga y'th venydh sans?

² Neb a gerdh heb namm : ha gul ewnder, ha kewsel gwirder yn y golonn;

³ An den nag eus mikenn war y daves, ha na wra drogober dh'y hynsa : ha na wodhev sklander erbynn y gentrevek.

⁴ Neb a dhispres an podrynn yn y wolok ev : ha neb a wordh an re a berth own a'n Arloedh.

⁵ Neb a de ti kyn fo dh'y dhregynn y honan : ha ny dreyl dhiworto.

⁶ Neb na re y arghans yn oker : ha na gemmeras falswober erbynn an den gwiryon.

⁷ Neb a wra an taklow ma : ny vydh ow trebuchya bynitha.