Salmow 146 - An Sowter 1997 2023

SALM 146. Lauda, anima mea.

¹ Gormelewgh an Arloedh, ow enev; hedre vewiv y hwormolav an Arloedh : my a gan gormola dhe'm Duw ha my hwath yn bosva.

² Na drestyewgh yn pennsevigyon, nag yn mab den : ma nag eus selwyans ynno.

³ Y anall a dhe-ves, ev a dhehwel dhe'n dor : hag y'n jydh na yth a y brederow oll dhe goll.

⁴ Gwynn y vys neb a'n jeves Duw Yakob yn gweres dhodho : hag yma y drest y'n Arloedh y Dhuw;

⁵ Neb a formyas nev ha nor, an mor ha pup-tra eus ynno : neb a with gwiryonedh bynitha;

⁶ Neb a wra gwirvreus rag an re arweskys : neb a re boes dhe'n re nownek.

⁷ An Arloedh a dhelirv prisnoryon dhe wari : an Arloedh a re golok dhe'n dhellyon.

⁸ An Arloedh a dhrehav an re plegys dhe'n dor : an Arloedh a gar an re wiryon.

⁹ An Arloedh a with an alyons : ev a skoedh an omdhivas ha'n wedhwes : mes fordh an debeles ev a dhomhwel.

¹⁰ An Arloedh a reyn bynitha : dha Dhuw, A Sion, a unn henedh dhe'n nessa.