Salmow 14 - An Sowter 1997 2023

SALM 14. Dixit insipiens.

¹ An den anfur re leveris yn y golonn : ‘Nyns eus Duw.’

² Legrys yns i, hag i re wrug obereth kasadow : nyns eus denvyth a wrello dader.

³ An Arloedh a viras war-woeles dhiworth nev war vebyon den : dhe weles mars esa neb den fur ow hwilas Duw.

⁴ Pubonan re dreylyas a-denewen, legrys yns i war-barth : nyns eus denvyth a wrello dader, nyns eus nagonan.

⁵ A ny gonvedh an dhrogoberoryon oll : hag i ow tybri ow fobel kepar dell dhebrons bara? Ny alwsons war Dhuw.

⁶ Ena yth esens i yn own bras : rag yma Duw gans an dus wiryon.

⁷ Hwi a lest kusul an boghosek : mes an Arloedh yw y skovva.

⁸ A teffa selwyans Ysrael yn-mes a Sion! Pan dreyl an Arloedh kethneth y bobel : Yakob a lowenha, ha heudhik vydh Ysrael.