Salmow 137 - An Sowter 1997 2023

SALM 137. Super flumina.

¹ Ryb dowrow Babylon, ena yth esedhsyn hag oela : pan berthsyn kov ahanas, A Sion.

² Agan telynnow a gregsyn : war an helik usi ynni.

³ Rag ena an re a'gan kemmeras yn kethneth a wovynnas dhiworthyn kan, ha'gan tormentorys a wovynnas lowender : ‘Kenewgh dhyn ni onan a ganow Sion.’

⁴ Fatell wren ni kana kan an Arloedh : yn pow estren?

⁵ Mara'th ankovav, A Yerusalem : re wetthro ow leuv dhyghow.

⁶ Glenes ow thaves orth ow stevnik mar ny borthav kov ahanas : mar ny worrav Yerusalem a-ugh ow fenn-lowender.

⁷ Porth kov, A Arloedh, a vebyon Edom yn dydh Yerusalem : fatell lavarsons, Diswrewgh hi, diswrewgh hi, bys dh'y selyow.

⁸ A Vyrgh Babylon, re bi ty ynwedh distruys : gwynn y vys neb a attal dhis kepar dell wrussys dhyn ni.

⁹ Gwynn y vys neb a gemmerro dha fleghesigow : ha'ga deghesi erbynn an veyn.