Salmow 130 - An Sowter 1997 2023

SALM 130. De profundis.

¹ Yn-mes a'n downderyow y helwis vy warnas, A Arloedh : Arloedh, klew ow lev.

² Gwres dha dhiwskovarn attendya yn kluw : orth lev ow govynnadow.

³ Mar kwredh vri a gammweythresow, Arloedh : A Arloedh, piw a yll sevel?

⁴ Mes yma gevyans genes jy : rakhenna ty yw ownys.

⁵ My a worta an Arloedh; ow enev a'n gorta : hag yn y er ev y trestyav.

⁶ Ow enev a worta an Arloedh : moy es dell worta an woelyadoryon an bora, devri moy es goelyadoryon an bora.

⁷ Gwres Ysrael trestya y'n Arloedh, rag gans an Arloedh yma tregeredh : ha ganso yma daspren hel.

⁸ Hag ev a dhaspren Ysrael : dhiworth oll y gammweythresow.