Salmow 13 - An Sowter 1997 2023

SALM 13. Usque quo, Domine?

¹ Pygemmys prys A ARLOEDH? A wredh ow ankevi bynitha : Pygemmys prys y kudhydh dha fas dhiworthiv?

² Pygemmys prys y hworrav fienasow y'm enev, ha galar y'm kolonn der an jydh : pygemmys prys y fydh ow eskar ughelhes warnav?

³ Mir, ha gorthyp dhymm, A Arloedh ow Duw : ro golow dhe'm dewlagas, ma na goskiv yn hun ankow;

⁴ Ma na lavarro ow eskar, ‘My re dryghis warnodho’ : ha ma na lowenhaho ow erbynnoryon pan wrav vy trebuchya.

⁵ Mes my re drestyas y'th tregeredh : ow holonn a lowenha y'th selwyans.

⁶ My a gan dhe'n Arloedh : rag ev re beu hel orthiv.