Salmow 129 - An Sowter 1997 2023

SALM 129. Saepe expugnaverunt.

¹ ‘Lieskweyth y grevsons dhymm dhiworth ow yowynkneth’ : gwres Ysrael lemmyn leverel.

² ‘Lieskweyth y grevsons dhymm dhiworth ow yowynkneth : mes ny yllens ow fetha.

³ An aradroryon a arasas war ow heyn : i a wrug aga fynnglow hir.’

⁴ Gwiryon yw an Arloedh : ev re droghas kerdyn an debeles.

⁵ Perthes meth ha bedhes treylys war-dhelergh : seul a gas Sion.

⁶ Bedhens avel an gwels war an tohow : hag a wedher kyns ev dhe egina;

⁷ Ma na lenow an myswas y dhorn anodho : nag an manalyer y askra.

⁸ Ha ny lever an dremenysi, Re bo bennath an Arloedh warnowgh : ni a'th vennik yn Hanow an Arloedh.