Salmow 128 - An Sowter 1997 2023

SALM 128. Beati omnes.

¹ Gwynn y vys seul a berth own a'n Arloedh : seul a gerdh yn y fordhow.

² Rag ty a dheber frut dha lavur : gwynn dha vys, ha seweni ty a wra.

³ Dha wreg a vydh kepar ha gwinbrenn leun a frut : a-bervedh yn dha ji;

⁴ Ha'th fleghes kepar hag eginyow olewbrenn : oll a-dro dhe'th voes.

⁵ Otta, yndella y fydh benniges an gour : neb a berth own a'n Arloedh.

⁶ An Arloedh a'th vennik yn-mes a Sion : ha ty a wel sewenyans Yerusalem dres oll dydhyow dha vewnans.

⁷ Ha ty a wel an fleghes a'th fleghes jy : ha kres war Ysrael.