Salmow 127 - An Sowter 1997 2023

SALM 127. Nisi Dominus.

¹ Marnas an Arloedh a dhrehav an chi : yn euver y lavur seul a'n drehav.

² Marnas an Arloedh a with an sita : yn euver y hwra an gwithyas goelyas.

³ Euver ragowgh hwi yw sevel a-varr, ha powes helergh, ow tybri an bara a lavuryow : rag yndella y re ev hun dh'y garadow.

⁴ Otta, ertach an Arloedh yw mebyon : frut an brys yw y wober ev.

⁵ Avel sethow yn dorn breselyas : yndella yw mebyon yowynkneth.

⁶ Gwynnvys an gour re lenwis y woen-sethow anedha : ny berthons meth pan gewsons orth aga eskerens y'n porth.