Salmow 126 - An Sowter 1997 2023

SALM 126. In convertendo.

¹ Pan dreylyas an Arloedh kethneth Sion : yth en ni kepar ha'n re owth hunrosa.

² Ena lenwys veu agan ganow a hwarth : ha'gan taves a lowena.

³ Ena y lavarsons yn mysk an kenedhlow : ‘An Arloedh re wrug taklow meur rag an re ma.’

⁴ Yn hwir, an Arloedh re wrug dhyn taklow meur : lowen en ni.

⁵ Treyl, A Arloedh, agan kethneth : kepar ha goverow yn difeyth an dyghow.

⁶ Seul a wonis has yn dagrow : a vydh ow mysi yn lowena.

⁷ Neb eus ow mos yn unn oela, ow toen y sagh a has : a dheu arta gans garmow a lowena, ow tri ganso y vanalow.