Salmow 125 - An Sowter 1997 2023

SALM 125. Qui confidunt.

¹ An re a fydh y'n Arloedh yw avel menydh Sion : na yll bos disevys, mes ev a dhur bys vykken.

² Kepar dell sev an menydhyow a-dro dhe Yerusalem : yn kettella y sev an Arloedh a-dro dh'y bobel, alemma rag ha bys vykken.

³ Rag ny wra gwelenn an tebelwas powes war ranndir an re wiryon : ma na worro an re wiryon aga diwleuv dhe sherewneth.

⁴ Gwra da, A Arloedh, orth an re yw da : hag orth an re yw ewnhynsek aga holonn.

⁵ An re a dreyl a-denewen dh'aga fordhow kamm : an Arloedh a's hembronk dhe-ves gans an dhrogoberoryon; re bo kres war Ysrael.