Salmow 124 - An Sowter 1997 2023

SALM 124. Nisi quia Dominus.

¹ Na ve an Arloedh genen ni : gwres Ysrael leverel;

² Na ve an Arloedh genen ni : pan sevis tus er agan pynn;

³ Ena i a'gan kollonksa yn few : pan loskas aga sorr orthyn.

⁴ Ena an dowrow a livsa dreson : ha galsa an fros dres agan enev.

⁵ Ena y tremensa dres agan enev : an dowrow tonnek.

⁶ Benniges re bo an Arloedh : na'gan ros ni yn preydh dh'aga dyns.

⁷ Agan enev re dhienkis avel edhen yn-mes a vaglenn an ydhnydhyon : an vaglenn yw terrys, ha ni re dhienkas.

⁸ Yma agan gweres yn Hanow an Arloedh: a formyas nev ha nor.