Salmow 123 - An Sowter 1997 2023

SALM 123. Ad te levavi oculos meos.

¹ Dhiso jy y trehavav ow dewlagas : ty neb yw esedhys war dha dron y'n nevow.

² Otta, kepar dell viri dewlagas servysi orth leuv aga mestrysi, ha dewlagas maghteth orth leuv hy mestres : yn kettella agan dewlagas ni a vir orth an Arloedh, erna gemmerro truedh ahanan.

³ Kemmer truedh ahanan, A Arloedh, kemmer truedh ahanan : rag ni re beu lenwys yn tien a dhespit.

⁴ Agan enev yw lenwys yn tien a skorn an re yw attes : hag a dhespit an re woethus.