Salmow 121 - An Sowter 1997 2023

SALM 121. Levavi oculos.

¹ My a dhrehav ow dewlagas dhe'n menydhyow : a-ble teu ow gweres?

² Ow gweres a dheu a-dhiworth an Arloedh : neb a formyas nev ha nor.

³ Ny as ev dha droes dhe drebuchya : ny gosk neb a wra dha witha.

⁴ Otta, gwithyas Ysrael : ny gosk ev na powes.

⁵ An Arloedh yw dha withyas : an Arloedh yw dha skeus orth dha leuv dhyghow.

⁶ Ny'th wysk an howl dydhweyth : nag an loer yn termyn nos.

⁷ An Arloedh a'th with rag pub dregynn : ev yw neb a with dha enev.

⁸ An Arloedh a'th with ow mos dhe-ves hag ow tos a-ji : alemma rag ha bys vykken.