Salmow 120 - An Sowter 1997 2023

SALM 120. Ad Dominum.

¹ Y'm anken my a armas war an Arloedh : hag ev a worthybis dhymm.

² Delirv ow enev, A Arloedh, dhiworth gweusyow gowek : ha dhiworth fals taves.

³ Pandr'a vydh res dhis, ha pandr'a vydh gwrys dhis, ty fals taves : sethow lymm an breselyas, gans kolennow bew a'n banadhel.

⁴ Go-vy, ow bos trigys avel alyon yn Meshek : ow bos owth annedhi tyldow Kedar.

⁵ Seuladhydh ow enev re drigas : yn mysk an re a gas kres.

⁶ My a lavur rag kres : mes pan gowsav, i a ombareus rag bresel.