Salmow 12 - An Sowter 1997 2023

SALM 12. Salvum me fac.

¹ Salw, A Arloedh, rag nyns eus unn dremas gesys : rag an dus len re dhifygas mes a vebyon den.

² I a lever euveredh, pub den gans y hynsa : gans gweus fekyl ha kolonn dhewblek y kowsons.

³ An Arloedh a dregh oll gweusyow fekyl : an taves hag a lever bostow bras;

⁴ An re a lever, ‘Gans agan taves y tryghyn ni : agan gweusyow yw dhyn ni; piw yw arloedh warnan ni?’

⁵ ‘Drefenn an voghosogyon dhe vos ravnys : drefenn kynvann an edhommogyon,

⁶ Lemmyn my a sev’, yn-medh an Arloedh : ‘My a'n gorr y'n sawder a yeun ev.’

⁷ Lavarow an Arloedh yw lavarow glan : avel arghans teudhys yn forn a bri, purhes seythgweyth.

⁸ Ty a'gan syns, A Arloedh : ty a'gan gwith rag an genedhel ma bys vykken.

⁹ An debeles a gerdh a bub tu : ha bileni yw ughelhes yn mysk mebyon den.