Salmow 113 - An Sowter 1997 2023

SALM 113. Laudate, pueri.

¹ Gormelewgh an Arloedh, hwi wesyon an Arloedh : gormelewgh Hanow an Arloedh.

² Benniges re bo Hanow an Arloedh : alemma rag ha bys vykken.

³ Dhiworth an howldrevel bys y'n howlsedhes : gormelys yw Hanow an Arloedh.

⁴ Ughel a-ugh oll an kenedhlow yma an Arloedh : hag yma y wolewder a-ugh an nevow.

⁵ Piw yw kepar ha'n Arloedh agan Duw, neb a'n jeves y drigva a-vann : neb a vir pell yn-nans dhe weles nev ha nor?

⁶ Ev a gemmer an den gwann yn-mes a'n doust, ha drehevel an den boghosek yn-mes a'n lusuek;

⁷ Rag ma'n gorro gans pennsevigyon : gans pennsevigyon y bobel ev.

⁸ Ev a wra dhe'n wreg anvab synsi chi : ha bos mamm lowen a fleghes.