Salmow 112 - An Sowter 1997 2023

SALM 112. Beatus vir.

¹ Gwynnvys an gour a berth own a'n Arloedh : a lowenha yn feur yn y worhemmynnow.

² Y has a vydh galloesek war an nor : henedh an re ewnhynsek a vydh benniges.

³ Kevoeth ha rychys a vydh yn y ji ev : ha'y wiryonedh a dhur bys vykken.

⁴ Dhe'n re ewnhynsek y sev golow y'n tewlder : ev yw grassyes ha truedhek ha gwiryon.

⁵ Dremas yw grassyes hag ev a re kendon : ev a dhyght y negysyow gans breus.

⁶ Rag ny wra ev trebuchya bynitha : an den gwiryon a vydh synsys yn kov bys vykken.

⁷ Ny berth own a dhrog nowodhow : sad yw y golonn, hag ev a drest y'n Arloedh.

⁸ Fast yw y golonn, ha ny berth own : erna wello y vynnas war y eskerens.

⁹ Ev re rannas, ev re ros dhe'n voghosogyon : ha'y ewnder a dhur bys vykken; y gorn a vydh drehevys yn enor.

¹⁰ An tebelwas a'n wel, hag yw serrys : ev a skrynk ha teudhi dhe-ves; mynnas an debeles a dhe goll.