Salmow 110 - An Sowter 1997 2023

SALM 110. Dixit Dominus.

¹ An Arloedh a leveris dhe'm Arloedh : ‘Esedh orth ow leuv dhyghow, erna wrylliv dha eskerens dha skavell-droes.’

² An Arloedh a dhyllo gwelenn dha nerth yn-mes a Sion : rewl ty yn mysk dha eskerens.

³ Yma genes mestrynses yn dydh dha nerth, yn splannderyow sansoleth : dhiworth brys an bora yma genes gluth dha yowynkneth.

⁴ An Arloedh re dos, ha ny dhenagh : ‘Ty yw oferyas bynitha herwydh ordyr Melkisedek.’

⁵ An Arloedh orth dha leuv dhyghow : a vrew myghternedh yn dydh y sorr.

⁶ Ev a vreus yn mysk an kenedhlow; ev a's lenow a gorfow marow : ha brewi kregyn yn lies bro.

⁷ Eva a wra a'n gover ryb an fordh : rakhenna ev a dhrehav y benn.