Salmow 11 - An Sowter 1997 2023

SALM 11. In Domino confido.

¹ Y'n Arloedh y hwilav skovva : fatell yllowgh leverel dhe'm enev, ‘Nij dhe'n menydh avel edhen?

² Rag otta, an debeles a bleg an warak, i a dharbar aga sethow war an gordenn : rag may tennons y'n tewlder dhe'n re ewn aga holonn.

³ Mars yw an selyow distruys : pandr'a yll an den gwiryon dhe wul?’

⁴ Yma an Arloedh yn y dempel sans : yma se an Arloedh y'n nevow.

⁵ Y dhewlagas a vir : kreghyn y dhewlagas a brev mebyon den.

⁶ An Arloedh a brev an den gwiryon ha'n tebelwas : ha'y enev a gas an den a gar garowder.

⁷ Ev a wra dhe golennow tan ha loskven koedha war an debeles avel glaw : gwyns gwyls a vydh kevrenn aga hanaf.

⁸ Rag an Arloedh yw gwiryon, ev a gar ewnder : an den ewnhynsek a wel y fas.