Salmow 101 - An Sowter 1997 2023

SALM 101. Misericordiam et judicium.

¹ My a gan a dregeredh ha breus : dhiso, A Arloedh, y kanav gormola.

² My a omdheg yn fur yn fordh dhivlam : p'eur fydhydh ow tos dhymm?

³ My a gerdh gans kolonn lan : a-berth y'm chi.

⁴ Ny worrav travyth anwiw a-dherag ow dewlagas; my a gas ober an re a gildenn : ny len orthiv.

⁵ Kolonn dreus a dhiberth dhiworthiv : ny vynnav aswonn tebelwas.

⁶ Neb a gabel y gentrevek yn priva a wrav vy dhe dhistrui : neb yw ughel y dhewlagas ha goethus y golonn ny wrav vy y wodhevel.

⁷ Ow dewlagas a vydh war an re yw len y'n tir, may trykkons genev : neb a gerdh yn fordh dhivlam a vydh ow servont.

⁸ Ny drig y'm chi neb a wra falsuri : ny sev y'm golok neb a lever gowyow.

⁹ Pub myttin my a dhistru oll tebeles an tir : ha treghi dhe-ves oll an dhrogoberoryon dhiworth sita an Arloedh.