Luka 23 - Evanghelu pi dupi Luka 2013

Hristollu dininti a Pilat

¹ Astumsëna parea di ômënj s'i skullë, o-dusërë Hristollu lla Pilat

² sh ahurhjirë tas spunia ti nës: “Okëcëm aist om ci skutja ômënjjë a noç di kala bunë. Ell nu j'allasë tas i'j pulltjastë xhelepja a Cezar, o-kjamë sinia a lluj ‘Hristo’ shi xëci kë esti vësëjë.”

³ Astumsëna Pilat u tërbë: “Tini esht vësëjë a ômënjllu di Judei?” Hristollu j'u turrë: “Tini ishish ma xëc.”

⁴ Dapoja Pilat ll'u xësi a prefcëllu shi a omënjllu: “Nu ma ved vërr steps lla aist om”.

⁵ Ma ej xëcja: “Ell i'j skôllë ômënjjë pi çiçôri sh i'j mvjacë tu tutë Judea, di Galilea pën aô”.

Hristollu dininti a Herod

⁶ Kënd avxë aistë, Pilat tërbë nakë ara galileas aist om.

⁷ Kit llo di hëbari kë Hristollu vinia di biloku ju ma marrë ali qeverrii ara Herod, u pëtërku lla nës, pedhis ci Herod ara tu Jerusalem aceli xëli.

⁸ Kënd u vëxu Hristollu, Herod s'hërësi mullt. Ell avja mullt qëro ci vra s'u vëdja, kë avja avxatë ti nës, shi vra tas u vëdja, kënd fëcja vërrë çudii.

⁹ Ell u tërbë mullt, ma Hristollu nu i'j turrë xhuvapi.

¹⁰ Ako ara sh ma mërjë a prefcëllu shi skribënjjë, ci u nxhura ku mulltë inati.

¹¹ Sh Herod ku andarcjë a lluj s'arrëdja ku Jezus. Dapoja j'amënarë pi numëri unë pelerinë skëpërôsë shi u pëtërkurë lla Pilat.

¹² Aca xuë Herod shi Pilat s'fecërë ôspic un-ku-allant, kë ma ninti ara tu hasmëllëqi.

Hristollu u dunuirë ku môrti

¹³ Astumsëna Pilat adunë ma mërjë a prefcëllor, domnjë sh ômënjjë

¹⁴ shi ll'u xësi: “Nj'avec adusë aist om, sh i'nj xëcec kë ell i'j skôti ômënjjë dit kali. Ja, mini u tërbaj dininti a vôstë, ma nu afllaj lla aist om stepsu ci ma nj'xëcec,

¹⁵ niki Herod, kë ell u pëtërku lla noj. Aist nu ari faptë cëva tas u vëtëmëm.”

^16-17 Tjaca us u dunuest sh us'u sëlëgjest.

¹⁸ Astumsëna ej aurrarë tuc dadun: “Vatëmu aist, sh sëlëgjë Baraba.”

¹⁹ Baraba o-vja hjiptë tu hapsani ti unë katraullë ci ara faptë tu kasabai sh ti unë vëtëmari.

²⁰ Pilat, ci vra s'u sëlëgja Hristollu, i'j tërbë napoj ômënjjë,

²¹ ma ej aurra sh xëcja: “Kurrfusicu, kurrfusicu!”

²² Sh napoj, a treôra ell ll'u xësi: “Këce, ci steps ari faptë? Nu ma afll lla Nës vërr llath, tas u dunuest ku môrti, tjaca us'u vërjest sh us'u sëlëgjest”.

²³ Ma ej napoj ku bôci analltë këfta tas u kurrfusjastë. Aurrara a llor s'fëcja totëna sh ma vërtôsë.

²⁴ Astumsëna Pilat dedi apofasi tas u dunua.

²⁵ Sëlëgji omu ci avja këftatë, acell ci ara hjipt tu hapsani ti vëtëmari, sh ll'u dedi Hristollu kum vra ej.

Kurrfusera a Hristollu

²⁶ Kënd ma o-ducja ti kurrfuseri, llôrë unë farë di Simon di Kirena, ci ma vinia dit agur, sh i'j nkërkarë kërucja tas u cënia dupi Hristollu.

²⁷ Unë parei mari di ômënj nëxja dupi nës. Namësa di nësh, ara shi ndau mujer, ci agudja qeptu sh pëllnxja ti nës,

²⁸ ma Hristollu s'turrë kiti nësi, sh ll'u xësi: “Hjijili a Jerusalem, nu pëllnxec ti mini, ma pëllnxec ti voj sh ti cilëmanjjë a voç.

²⁹ Us jinë xëlili ci us xëkë: ‘Hara di mujerrë shterpi, hara di aceli ci nu amëntarë pote, sh sinu ci nu hërri.’

³⁰ Astumsëna us ahurhjastë s'll'u xëkë a muncëllor: ‘Rrustunacvë pisti noj’ sh a lloku ‘Amvëlicnë!’

³¹ Shi ma kë us fakë ashë ku lemu moj, ci us fakë ku uskatu?”

³² Ej adusërë sh doj allc kriminelënj tas i'j kurrfusjastë dadun ku Hristollu.

³³ Kënd axhumsërë lla biloku ci s'akjëma “Kafka” kurrfusirë ako Hristollu sh doj allc, un di na ndrapta sh allant di na stënga.

³⁴ Dapoja Hristollu xësi: “Përinte, hërxjajë kë nu shti ci fak!” Ej amënarë shortë t'i përcari stranjli a lluj.

³⁵ Ômënjjë stëtja ako sh vëdja kum mërjë s'arrëdja sh xëcja: “Allanc i'j skëpë. Ma kë ell esti Hristollu a Dumëxë, Aleptu, as u skapë sh bana a lluj.”

³⁶ Sh andarcjë s'arrëdja. Ej vinërë, j'adusërë puskë

³⁷ sh i'j xësërë: “Ma esht vësëjë a judenjllu, skapë sinia a ta!”

³⁸ Pisti kapu a lluj ara skëratë: “Aist esti vësëjë a judenjllu.”

³⁹ Un di kriminelënjjë, kurrfusit tu këruci, ma u nxhura sh i'j xëcja: “Nu esht tini Hristollu? Skapë sinia a ta!”

⁴⁰ Ma allant u vërji sh i'j xësi: “Nu aj frikë di Dumëxë, tini ci ma strrax unë soji ka Ell?

⁴¹ Noj hjim dunuic ku ndreptjacë, kë ma llom aca ci n'i tukueshti, ti aceli ci avem faptë, ma aist nu ari faptë içvërrë amartii”.

⁴² Dapoja xësi: “Jezus, aduqati ti mini kënd s'nex tu kratu a tëll.”

⁴³ Hristollu i'j xësi: “Darihënja ma c'xëk, azë tini us esht ku mini tu parajsë”.

Murera a Hristollu

⁴⁴ Aprôpja di prrënx, un nor llaj amvëli lloku, pënd tu satja tre dupi prrënx.

⁴⁵ Sorrë s'amvëli sh perdja a tempullu s'dësëkë pi disa.

⁴⁶ Astumsëna Hristollu gri ku bôci analltë: “Përintële, tu mënjli a tëli ma o-llas sufulltu a njell.” Dupi aisti zbôrri, dedi sufullt.

⁴⁷ Kënd vëxu ci s'feci centurion allëvdë Dumëxe sh xësi: “Darihënja aist om ara ndrept”.

⁴⁸ Tuc ômënjjë ci ara adunac ako ti vëderi aistë gjëji, bëgarë ôrë ci s'feci, s'turrarë akasë, sh bëtja qeptu.

⁴⁹ Tuc kënëskucjë a lluj, dadun ku mujerrë ci o-vja ashtërratë di Galilei, stëtja dëparti sh vëdja aistë ci s'feci.

Ngurpara a Hristollu

⁵⁰ Ako tihjisi un om bun sh ndrept ku numa Jozef. Ell ara un di ômënjjë ali sinedri (kshillu),

⁵¹ ma nu ara tu unë minti ku allanc ti aca ci fecërë. Jozef ara di Arimateja, unë kasabai ali Judei, sh ashtëptja kratu a Dumëxë.

⁵² Ell nesi la Pilat, sh këftë trupu a Hristollu.

⁵³ Astumsëna u dupunë dit këruci, o-vërrti tu unë bukatë di lir, sh u bëgë tu unë grôpë zhdikisë tu unë shkëmbë, ju nu ara bëgat içvërr.

⁵⁴ Ara vinër, sh apëra sëmbëta.

⁵⁵ Mujerrë ci avja vinitë di Galilei ku Hristollu, o-shtërrarë dinëpoj Jozef. Eli u vëxurë grôpa, vëxurë sh kum ara bëgat trupu a Hristollu.

⁵⁶ Dapoja s'i turrarë sh fecërë etëmë untulemu ku njurizmë bunë sh ku mirë.