Leviitico 19 - Arabela

Socua rootasano pa tojishocoriquiano

¹ Na nuhuaji Camarnu Pueyasoori Moisees sequeree:

² —Puetunu quiarta Israel pueyajanaa quia niishitiojore nio cua sequesano tojitiajaca nojori quiniuria:

¹¹ “Maja nohuasejonu. Maja sapojonu. Maja sesa nia miitioonu nia sapojonuta.

¹² “Majaari cua sesa jiyaniquitiuniu nia sapojonu panishacari. Naa nia miishacaritij, niaari juhua cua rerequeteyaruhua. Janiyari Camarnujuanaani.

¹⁷ “Majaari quioojiajinia quia juaaquiaca racatanu quiarta pueyanoocuara. “Quiocua cutara quiarta pueyano nacasure quiaa jaara na niquirii sesa miyano. Quiaa jaara sanaa na niquirii sesa miyano, sesa na miishanoori quiocua tiuutiasaariquianojuhuaj.

¹⁸ “Majaari quiarta pueyano naminiujiujia quia quiniu. Majaari quia juaaquiaca racatanu quiarta pueyanoocuara sesa na miiniuucua quiajaniya. Saniniuujia, quiarta pueyano panijia quia quiri taa quia paniquiaa tama quia cuaqueyajacuajani. Janiyari Camarnujuanaani.”